Ish- zëvendës ministri i Administrimit dhe Pushtetit Lokal, Bajram Gecaj, ka reaguar ndaj kryetarit aktual të Prishtinës Shpend Ahmeti, i cili ka thënë se do ta padisë Isa Mustafën.
Gecaj përmes një statusi në Facebook, ka shkruar se Ahmeti do ta humbë garën në Prishtinë pa e kuptuar se nuk fiton me dosje e padi.
Sipas Gecajt, për të fituar duhet punë e përkushtim e kjo atij i mungon.
Postim i plotë:
“Shpend Ahmeti: Nesër do ta padisë Isa Mustafën!”
Si duket ky “zogu” do të humbi garën në Prishtinë pa e kuptuar kurrë se nuk e fiton dot me dosje e padi, por me punë e përkushtim, diçka që ashiqare i mungon e që mundohet në vazhdimësi ta kompensoi me mjete propagandistike!