Zbulohet mospërputhje e numrit të fletëvotimeve në një qendër votimi në Prishtinë - Bota Sot
Zbulohet mospërputhje e numrit të fletëvotimeve në një qendër votimi në Prishtinë

Prishtina

E mërkurë, 13 dhjetor 2017

Zbulohet mospërputhje e numrit të fletëvotimeve në një qendër votimi në Prishtinë

Më: 2 dhjetor 2017 Në ora: 22:43
Arban Abrashi dhe Shpend Ahmeti

Zbulohet mospërputhje e numrit të fletëvotimeve në një qendër votimi në Prishtinë

Përkundër dallimit prej 6 fletëvotimeve ky vendvotim është proceduar si i rregullt. Të paktën kështu figuron në një fletëvotim të cilën e publikuan mediat.

“Një vendvotim i tillë nuk guxon të procedohet pa u hapur kutia dhe pa u zbuluar se çfarë ka sjell deri të ky dallim ne fletëvotime, ka thënë një përfaqësues i shtabit të Arban Abrashit.

Image

Sipas tij çdo ditë e më shumë po zbulohen fakte te reja që tregojnë se u manipulua procesi zgjedhor dhe se QNR’ja nuk i ka vërejtur këto lëshime

Ai u ka bërë thirrje organeve përkatëse të merren seriozisht me zbardhjen e këtyre rasteve dhe të dërgohet në vend vullneti i sovranit.

Ndryshe, Kandidati i Lidhjes Demokratike të Kosovës (LDK) për kryetar të Prishtinës, Arban Abrashi nuk e ka ndërmend të ndalët nga kërkesa e tij për rinumërim të tërësishëm të votave në Prishtinë.

Kjo për shkak se ai është i bindur se në Prishtinë ka pasur manipulime me vota nga Lëvizja Vetëvendosje.

Në garën e 19 nëntorit Shpend Ahmeti nga VV ka marrë 50.41% të votave, ndërsa Arban Abrashi nga LDK 49.86% të votave.

LDK ishte ankuar dhe kishte kërkuar rinumërim të votave. Kërkesa e tyre ishte miratuar nga PZAP por që u rrëzua nga Gjykata Supreme.

Sot mund të lexoni Shfletoni kopertinat
Sondazh
    test