Pothuajse e gjithë Evropa po përballet sonte me reshje të borës.
Bora pritet që sonte të arrijë edhe në vendin tonë.
Sipas parashikimit të fundit të motit, bora pritet të fillojë pak pas orës 20 në Prishtinë, derisa do të zgjasë deri në mesnatë.
Në rajonin tonë, gjendja më e rëndë paraqitet në Kroaci, ku tashmë bora ka arritur trashësinë në 14 centimetra. Kurse në bregdet ka pasur valë të forta.
Kushtet e udhëtimit në pjesët e Kroacisë qendrore janë vështirësuar edhe më shumë, e për këtë policia ka bërë thirrje që qytetarët të kenë mjetet dimërore. Mot me borë dhe me erëra të forta ka pasur edhe në Serbi.
