Kryetari i Komunës së Prishtinës, Shpend Ahmeti ka thënë se nuk ka të lënduar, por vetëm dëme materiale në Sheshin Zahir Pajaziti, pasi që era e fuqishme kishte çmontuar një pjesë të tendave të vendosura nga OSBE për Panairin Gratë në Biznes.
Po ashtu, Ahmeti ka shtuar se në vendin e ngjarjes kanë dalë menjëherë ekipet e DShP dhe Zjarrfikësat e kësaj komune.
Postimi i plotë:
Era e fuqishme ka çmontuar një pjesë të tendave të vendosura nga OSBE për Panairin Gratë në Biznes në Sheshin Zahir Pajaziti. Në vendin e ngjarjes kanë dalë menjëherë ekipet e DShP dhe Zjarrfikësat e Prishtinës. Për fat të mirë nuk ka të lënduar dhe ka dëme vogla materiale (tri vetura të parkuara). Ekipet e emergjencës janë duke pastruar terrenin.
