ASHNA ndihmon Prishtinën me të dhëna meteorologjike

Prishtina

ASHNA ndihmon Prishtinën me të dhëna meteorologjike

Më: 17 gusht 2018 Në ora: 11:39
ASHNA dhe Prishtina, kanë nënshkruar marrëveshje mirëkuptimi në lidhje me ofrimin e të dhënave meteorologjike.

Agjencia e Shërbimeve të Navigacionit Ajror (ASHNA) dhe Prishtina, kanë nënshkruar marrëveshje mirëkuptimi në lidhje me ofrimin e të dhënave meteorologjike për këtë të fundit.

“Palët, përmes kësaj marrëveshje u dakorduan që në vazhdën e përpjekjeve për adresimin e ndotjes së ajrit në Prishtinë, Departamenti Meteorologjik i ASHNA-së do t’i dërgojë Drejtorisë së Administratës së Prishtinës të dhënat meteorologjike në baza të rregullta kohore”, thuhet në një komunikatë nga Agjencia e Shërbimeve të Navigacionit Ajror.

Sipas komunikatës nga këto të dhëna kryeqyteti do të përfitojë përmes njoftimit të publikut se kur pritet të ketë stagnim të lëvizjes së masave ajrore, rrjedhimisht rritje të ndotjes së ajrit në Prishtinë.

“Marrëveshja u nënshkrua nga menaxheri i Departamentit Meteorologjik në ASHNA, Sherif Gosalci dhe nënkryetari njëherit drejtor i Drejtorisë së Administratës në komunë e Prishtinës  Muhedin Nushi”.

Sot mund të lexoni Shfletoni kopertinat