Sot Policia e Kosovës ka ndërmarr një operacion gjatë të cilit ka arrestuar tre persona nën dyshimin për kryerje të veprës penale “Mundësimi ose detyrimi në Prostitucion” dhe veprës kundërvajtëse “Marrje me Prostitucion”.
Personat e dyshuar të involvuar në këto vepra janë:
N. C. (viti i lindjes 1936) – mashkull/sh/k
R. G. (viti i lindjes 1962) – mashkull/sh/k dhe
S. K. (viti i lindjes 1974) – femër/sh/k.
Pas marrjes në pyetje, lidhur me rastin është njoftuar Prokurori i Shtetit pranë Departamentit të Përgjithshëm në Prizren, dhe me vendim të tij tre të dyshuarit lirohen në procedurë të rregullt.
Lidhur me rastin, në bashkëpunim me Inspektoret komunalë në Prizren është bërë një kontroll në lokalin ku punojnë i dyshuari nr. 1 dhe nr. 3, përderisa me vendim të Inspektoratit lokali mbyllet për afat të pacaktuar.
Policia e Kosovës mbetet e përkushtuar në parandalimin dhe luftimin e të gjitha dukurive negative në vend dhe realizimin e detyrave dhe autorizimeve në funksion të zbatimit të ligjit.
