Partia Lëvizja Vetëvendosje ka mbajtur një takim me komisionerët zgjedhorë të partisë në qytetin e Prizrenit.
Përmes një komunikate për media, kjo parti thotë se qytetarët e Prizrenit “janë lodhur prej qeveritarëve të korruptuar e kriminalë dhe ia kanë shtrënguar dorën ndryshimit, sepse e duan drejtësinë dhe shtetin ligjor”.
“Mbrëmë pas një tubimi të shkëlqyeshëm me komisionerët zgjedhorë të Vetëvendosjes, dolëm të shëtisim në Prizrenin, qytetin simbol të historisë sonë. Qytetarët e Prizrenit janë lodhur prej qeveritarëve të korruptuar e kriminalë. Ata ia kanë shtrënguar dorën ndryshimit, sepse e duan drejtësinë dhe shtetin ligjor. Ndaj Prizreni po bëhet pjesë e fitores”, thuhet në komunikatën e VV-së.
