Kryetari i Komunës së Prizrenit, Mytaher Haskuka ka thënë se të shtunën në shkollat e këtij qyteti është mbajtur mësimi për t`i kompenzuar ditët e humbura në fillim të gjysëmvjetorit.
Po ashtu, ai ka thënë se të shtunën së bashku me drejtorin Skender Susuri kanë vizituar disa shkolla fillore dhe të mesme
Postimi i plotë:
Dje ishte ditë pune në shkollat e Prizrenit, kompenzim për ditët e humbura në fillim të gjysëmvjetorit. Me drejtorin Skender Susuri këtë ditë e shfrytëzuam për të vizituar disa shkolla fillore dhe të mesme. Sistemi arsimor ka shumë probleme të akumuluara ndër vite por me energji pozitive do t'i tejkalojmë. Fëmijët janë e sotmja dhe e ardhmja jonë prandaj arsimi dhe edukimi i tyre është prioritet.
