Secili lloj i hekurit për hekurosjen e rrobave kërkon kujdes të veçantë për mirëmbajtje, qoftë ai edhe shumë i shtrenjtë apo ndër më të mirët.
Nëse e keni mbushur me më shumë ujë se që duhet, apo nuk e keni përdorur atë sipas instruksioneve, atëherë brenda hekurit do të krijohet gëlqere.
Hekuri juaj mund t’i dëmtojë shumë rrobat, andaj edhe një përkujdesje e duhur për të është e nevojshme.
Si të pastroni hekurin me uthull
Merrni një enë të cekët që ta zë hekurin. Mbusheni atë me uthull dhe ujë të vluar, saktëishst dy lugë të bukës me uthull dhe një gotë me ujë. Kjo përzierje nuk duhet të jetë më e thellë se 1 centimetër e gjysmë.
Futeni hekurin e nxehtë në këtë përzierje. Lëreni aty derisa uji të ftohet. Pastaj, hekuri duhet të thahet për 24 orë dhe para se ta përdorni, me të duhet të hekurosni një copë rrobe që nuk ju duhet.
