Miliarderi Elon Musk, shefi i kompanisë SpaceX, ka zbuluar projektin e tij më ambicioz.
Bëhet fjalë për një system transporti ndërplanetar, që do dërgojë njerëz në Mars brenda 80 ditësh.
Qëllimi është të ngrihet një koloni e qëndrueshme njerëzore me rreth 1 milion persona.
“Ajo që dua të arrij unë, është që të bëj Marsin një alternativë të mundshme,” tha ai.
Megjithatë, Musk paralajmëroi se udhëtimi mund të jetë i rrezikshëm dhe se kandidatët e misioneve të para duhet të jenë të përgatitur edhe për të vdekur.
“A jeni të përgatitur për të vdekur? Nëse po, atëherë jeni kandidati i duhur”.
Ai pranoi se edhe vetë do e ndërmarrë këtë udhëtim një ditë.
“Duhet të sigurohem që nëse gjërat nuk shkojnë mirë, të kem një plan rezervë. Frika ime më e madhe janë investitorët që do më marrin kompaninë”.
Ai shpreson se testimet e para do bëhen brenda katër vitesh.
Sistemi i Transportit Ndërplanetar do të përdorë një raketëhedhës gjigand me 49 motora Raptor.
“Koha e udhëtimit do jetë rreth 80 ditë, por më vonë mund të bëhet vetëm për 30 ditë”.
Musk u zotua se çmimi i udhëtimit për në Mars do jetë sa një shtëpi- rreth 200 mijë dollarë.
Më vonë mund të përgjysmohet.
Pasi raketat të mbërrijnë në Mars, do të përdorin metanin për udhëtimin e kthimit.
“Sigurisht financimi do jetë një sfidë. Por mendoj se do jetë një partneritet publik-privat, kështu janë financuar edhe Shtetet e Bashkuara,” tha ai.