NASA del me plan: Rrezatimi nuk mund t’iu bëjë asgjë astronautëve - Bota Sot
NASA del me plan: Rrezatimi nuk mund t’iu bëjë asgjë astronautëve

Shkencë & Teknologji

E premte, 20 tetor 2017

NASA del me plan: Rrezatimi nuk mund t’iu bëjë asgjë astronautëve

Më: 12 tetor 2017 Në ora: 17:31
Ilustrim

Mbrojtja e astronautëve nga rrezet kozmike është një nga sfidat kryesore me të cilat ballafaqohen studiuesit, të cilët planifikojnë misione të ardhshme në Mars dhe NASA beson se ka një zgjidhje.

Agjencia hapësinore, e cila planifikon të dërgojë njerëzit e saj në "Planetin e Kuq" në vitin 2030, po shqyrton përdorimin e barnave që do të ndryshojnë ADN-në e ekuipazhit të tyre.

Ata mendojnë se barnat mund të ndihmojnë astronautët të mbrohen kundër grimcave me energji të lartë që do të "sulmojnë" trupat e tyre, duke rritur kështu rrezikun e kancerit dhe sëmundjeve të tjera.

Ndryshimet në ADN do të përfshijnë ndryshimin e mënyrës së leximit, por jo edhe bazën e vetë kodit të ADN-së.

Duke përdorur një teknikë të veçantë, do të ishte e mundur për të forcuar udhëzime të caktuara gjenetike. Kjo mund të ndihmojë në parandalimin e kancerit, demencës dhe sëmundjeve tjera të lidhura me rrezatimin, si dhe në ngritjen e rezistencës së trupit ndaj këtyre efekteve.

NASA po ashtu mendon edhe për përdorimin e inteligjencës artificiale për të ndihmuar diagnostifikimin e sëmundjeve dhe kryerjes së operimeve në hapësirë.

Komentet
comments powered by Disqus
Sot mund të lexoni Shfletoni kopertinat
Sondazh
    test