Fizikanti i njohur botëror Stephen Hawking ka paralajmëruar se inteligjenca artificiale (IA) ka potencialin për të shkatërruar qytetërimin dhe mund të jetë gjëja më e keqe që ka ndodhur ndonjëherë për njerëzimin.
Duke folur në një konferencë të teknologjisë në Lisbonë, Portugali, Hawking u tha të pranishmëve se njerëzimi duhet të gjejë një mënyrë për të kontrolluar kompjuterët, thotë CNBC.
“Në teori, kompjuterat mund të imitojë inteligjencën njerëzore dhe ta tejkalojë atë.” Suksesi në krijimin e një IA-je efektive mund të jetë ngjarja më e madhe në historinë e qytetërimit tonë. Ose më e keqja. Ne thjesht nuk e dimë. Pra, nuk mund të dimë nëse do të ndihmohemi pafundësisht nga IA, ose do të injorohemi nga ajo, apo edhe shkatërrohemi prej saj”.
Hawking tha se ndërsa IA ka potencialin për të transformuar shoqërinë – mund të përdoret për të zhdukur varfërinë dhe sëmundjet, për shembull – ajo gjithashtu vjen me rreziqe të mëdha.
Shoqëria, tha ai, duhet të jetë e përgatitur. “IA mund të jetë ngjarja më e keqe në historinë e qytetërimit tonë. Ajo sjell rreziqe, si armë të fuqishme autonome, ose mënyra të reja për të shtypur shumë. Kjo mund të sjellë çrregullime të mëdha në ekonominë tonë”, tha ai.
Kjo nuk është hera e parë që Haëking ka paralajmëruar për rreziqet e IA-së. Në një intervistë të kohëve të fundit për ëired, profesori i Universitetit të Kembrixhit tha se IA mund të arrijë një ditë në një nivel, ku i tejkalon njerëzit dhe bëhet një “formë e re e jetës”.
