Mbrëmë në lagjen Novo Lisiçe të Shkupit është djegur një automjet, ndërkaq sipas të dhënave jozyrtare, bëhet fjalë për një bombë të vendosur në veturë.
Vetura ka qenë pronë e biznismenit të njohur të dyqaneve për ushqime të shpejtë “Vili”. Këto të dhëna janë bërë të ditura nga motra e pronarit të dyqaneve, që është një folëse e njohur.
Sipas saj, familja dyshon se bëhet fjalë për sulm nga një grup i njohur që i ka kërcënuar dhe kërkuar haraç.