Në Shkup është mbajtur protesta e dytë qytetare në mbështetje të ish-kryeministrit të Kosovës, Ramush Haradinaj, i cili po mbahet i arrestuar në Francë, sipas një kërkese të Serbisë.
Qytetarët janë vetëorganizuar, me flamuj kombëtar në duar dhe me parulla në mbështetje të Ramush Haradinajt. Para mediave kanë shprehur mbështetjen e tyre ndaj Haradinajt, duke e konsideruar si një hero dhe një njeri të pafajshëm, njiherit duke kërkuar edhe lirimin e tij sa më të shpejtë.
Pjesë e protestuesve janë edhe artistë shqiptar nga Maqedonia dhe organizata joqeveritare. Që të gjithë vlerësojnë lartë fugurën e Ramush Haradinajt dhe kërkojnë me ngulm që Ramushi të lirohet sa më parë.