Vazhdojnë problemet me shfrytëzimin e transportit publik. Qytetarët nuk po arrijnë assesi të adaptohen me kartelat elektronike. Mungesa e kartelave elektronike nëpër autobusë, i detyron qytetarët të zbresin nga autobusi, ose të udhëtojnë pa pagesë, pas çka në rast se kapen nga kontrollorët, do të duhet të paguajnë dënime të mëdha.
Vazhdojnë problemet me shfrytëzimin e transportit publik. Qytetarët nuk po arrijnë assesi të adaptohen me kartelat elektronike. Mungesa e kartelave elektronike nëpër autobusë, i detyron qytetarët të zbresin nga autobusi, ose të udhëtojnë pa pagesë, pas çka në rast se kapen nga kontrollorët, do të duhet të paguajnë dënime të mëdha.
Qytetarët e pensionuar të cilët kanë kartela vjetore nuk e kanë të njejtin problem, megjithatë ata i brengos fakti që familjarët e tyre, paguajnë çmime të larta për të udhëtuar, qoftë edhe relacione shumë të shkurtëra.
Televizioni Shenja rreth këtyre problematikave kontaktoi edhe Ndërmarrjen e transportit publik, megjithatë deri më tani, akoma nuk ka përgjigje. Nga 1 janari i këtij viti në transportin publik që funksionon në Bashkinë e Shkupit, është futur në përdorim sistemi elektronik i pagesës, i cili gjatë dy viteve të kaluar vazhdimisht ka qenë i promovuar nga drejtuesit e ndërmarrjes publike dhe vetë drejtuesve të Bashkisë së Shkupit.
