Sot në orën 12.40 një tragjedi tjetër ka ndodhur në Shkup. Sërish një vrasje brenda familjes, kësaj radhe në rrugën “Hoshimin” në Butel të Shkupit. MPB konfirmon për se gjyshi i identifikuar me inicialet P. T., i lindur në vitin 1933, ka shtënë me pistoletë në bashkëshorten e tij Pavlinën. Më pas ka shtënë edhe ndaj vajzës së tij L. T. dhe ndaj nipit të tij, i cili ka vdekur nga plagët e marra.
“Ngjarja ka ndodhur sot rreth orës 12.40. Në vendin e ngjarjes ka ndërruar jetë nipi 34 vjeçar, ndërsa i dyshuari ka bërë vetëvrasje. Me automjetin e ambulantës së shpejtë në qendrën urgjentje janë transportuar të dy gratë, të cilat sipas informatave fillestare janë në rrezik për jetën”, njofton MPB.
