Në Shkup realizohet ushtrim për simulim aksidenti në komunikacion

Shkupi

Në Shkup realizohet ushtrim për simulim aksidenti në komunikacion

Më: 20 prill 2018 Në ora: 09:33
Ilustrim

Kryqi i Kuq i Bashkisë së Shkupit, në bashkëpunim me Ministrinë e Punëve të Brendshme (MPB), pasdite do të realizojnë ushtrime simuluese për fatkeqësi komunikacioni.

Aktiviteti do të mbahet te “City Mall”, ndërsa si shkak i fatkeqësisë është konsumimi i alkoolit nga ana e maturantëve, gjatë kohës së festimit të mbrëmjes së maturës.

Gjatë realizimit të ushtrimit, një korsi e rrugës do të jetë e bllokuar, pasi që do të vendoset një veturë që do të shërbej për ushtrimin.

Sipas Kryqit të Kuq, simulimi duhet të shërbej për të ngritur vetëdijen e të rinjve për sjellje të matur dhe të përgjegjshme, për moskonsumim të alkoolit dhe lëndëve mpirëse.

Në këtë ushtrim do të marrin pjesë 15 vullnetarë.

commentFirst article
Sot mund të lexoni Shfletoni kopertinat