Tiranë: Përkeqësohet gjendja e grevistëve - Bota Sot
Tiranë: Përkeqësohet gjendja e grevistëve

Shqipëria

E shtunë, 23 korrik 2016

Tiranë: Përkeqësohet gjendja e grevistëve

Më: 14 tetor 2012 Në ora: 17:26

Në Shqipëri vazhdon të përkeqësohet gjendja e ish të burgosurve politikë të cilët prej më shumë se tre javësh gjenden në grevë urie për të kërkuar shpërblimin financiar për vitet e kaluara në burgjet e dikaturës komuniste
Disa prej grevistëve kanë përfunduar në spital pasi gjendja e tyre shëndetësore është rënduar. Tani kanë mbetur vetëm 8 prej tyre që po vazhdojnë protestën. Ndërkaq situata bëhet më problematike edhe për shkak të kushteve të motit. Greva po zhvillohet në mjedise të hapura, nën disa tenda, të cilat u përmbytën nga shirat e rrëmbyere që ranë gjatë natës së mbrëmshme.
Grevistët të cilët dy ditë më parë u takuan me presidentin Bujar Nishani, u shprehën të zhgënjyer pasi sic deklaruan nuk ka asnjë sinjal për zgjidhjen e kërkesave të tyre. Skënder Tufa, përfaqësues i ish të përndjekurve bëri thirrje sot për një zgjidhje të shpejtë pasi sipas tyre gjendja shëndetësore e grevistëve po bëhet gjithnjë e më problematike.
Një grup gazetarësh protestuan sot para kryeministrisë dhe më pas shkuan pranë mjediseve ku po zhvillohet greva. Ata kërkojnë nga qeveria një ndërhyrje të shpejtë dhe zgjidhjen e problemit të ish të përndjekurve. Nga autoritetet megjithatë nuk ka asnjë shenjë për të nisur dialogun dhe gjetjen e një zgjidhjeje kompromisi. Qeveria këmbëngul se protesta është politike dhe se të gjitha kanë marrë shpërblimin financiar sipas ligjit.

Komentet
comments powered by Disqus
Sot mund të lexoni Shfletoni kopertinat
Sondazh Kush mendoni se i ka bërë vrasjet e pasluftës?
test