AK proteston para bashkisë së Tiranës: Problemi i Tiranës, kunati i Bashës - Bota Sot
AK proteston para bashkisë së Tiranës: Problemi i Tiranës, kunati i Bashës

Shqipëria

E hënë, 29 gusht 2016

AK proteston para bashkisë së Tiranës: Problemi i Tiranës, kunati i Bashës

Më: 19 tetor 2012 Në ora: 21:31

Aktivistë të Aleancës Kuq e Zi kanë protestuar mëngjesin e të premtes në dyert e Bashkisë së Tiranës ndaj politikave të gabuara që kryebashkiaku Lulzim Basha po ndjek që nga zgjedhja e tij në krye të bashkisë më të madhe në vend.

Dhjetëra aktivistë të Aleancës Kuq e Zi u mblodhën para bashkisë duke i kërkuar kreut të këtij dikasteri të mos merret më kanoçet e romëve, të cilat tanimë i administron kunati i tij, por të merret me problemet kryesore të metropolit shqiptar.

“Si qytetarë të Tiranës kemi ndjekur me shumë vëmendje situatën që krijoi Policia Bashkiake e kryetarit të bashkisë, sigurisht me urdhër të tij, me komunitetin rom dhe mbledhjen e kanoçeve. Aleanca KuqeZi i bën apel kryetarit të bashkisë të mos merret me çështje të tilla, kaq pak shqetësuese, por të punojë dhe të mbajë premtimet e dhëna para një viti”, deklaroi Sekretari Organizativ i Aleancës KuqeZi, Redi Ramaj.

Duke u ndaluar tek problemet kryesore me të cilat përballen 1 milion banorët e Tiranës, Ramaj përmendi disa prej tyre:

“Sot shumë rrugë në Tiranë janë amortizuar, semaforët në metropolin e Shqipërisë 80% nuk funksionojnë, zona të tëra përmbyten me dy pika uji, taksitë janë kthyer në monopol të kunatit dhe kryetarit, por dhe rrugët publike gjithashtu”.

Duke ironizuar “varfërinë” e kunatit të kryetarit të Bashkisë së Tiranës, përfaqësuesi i Aleancës Kuq e Zi vlerësoi sensibilizimin e aktivistëve kuqezi, të cilët kishin mbledhur kanoçe në rrugët e kryeqytetit për t’ia dhuruar ato kunatit të kryebashkiakut.

“Aleanca KuqeZi, e sensibilizuar nga halli më i madh që ka kryetari i bashkisë së një milion banorëve, kanoçet, ka mbledhur me dhjetëra kanoçe, të cilat do t’ia dhurojë kunatit të Lulzim Bashës. Urojmë që kontributi ynë qytetar të përmirësojë disi jetën e kunatit”, deklaroi përfaqësuesi i Aleancës Kuq e Zi, Redi Ramaj.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test