Tiranë: Vazhdon greva e ish të përndjekurve politikë - Bota Sot
Tiranë: Vazhdon greva e ish të përndjekurve politikë

Shqipëria

E diel, 28 gusht 2016

Tiranë: Vazhdon greva e ish të përndjekurve politikë

Më: 21 tetor 2012 Në ora: 19:13

Në Tiranë sot u bënë 30 ditë nga greva e urisë e ish të përndjekurve politikë të Shqipërisë.

Kjo grevë po vazhdon përkundër vendimit të një gjykate në Tiranë për ndërprerjen e saj. Pjesëmarrësit në grevë nuk kanë pranuar të lëvizin nga tendat, ku po e zhvillojnë grevën, prej më tepër se katër javësh, ndërsa kanë pretenduar se greva po zhvillohet në kushte terrori.

Sipas pjesëmarrësve në grevë, policia nuk i lejon ata të marrin lëngje dhe ilaçe.

Pjesëmarrësit e grevës së ish të përndjekurve politikë në Tiranë i ka vizituar edhe Avokati i Popullit, Igli Totozani, i cili tha se gjendja e grevistëve ishte shumë e rëndë.

Ai theksoi se kishte marrë informacione nga grevistët se nuk u lejohen lëngjet, ilaçet apo serumet. “Kam kërkuar me shkrim nga drejtori i policisë që në çadër të lejohen familjarët, mediat, serumet, ilaçet”, tha Totozani, dhe shtoi se një urdhër i tillë është “vepër penale, që dënohet nga Konventa Evropiane e të Drejtave të Njeriut”.

Policia e Tiranës ka reaguar lidhur me akuzat e Avokatit të Popullit duke kumtuar se “shprehim keqardhje për deklaratat e Avokatit të Popullit, grevistëve nuk u janë ndërprerë as ilaçet dhe as lëngjet”.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test