Në konferencën e saj për shtyp kancelarja Angela Merkel ka folur edhe për bashkëpunimin në rajon duke vlerësuar marrëdhëniet midis Shqipërisë me vendet e rajonit, veçanërisht Serbisë.
Merkel tha se i vlerëson hapat pozitivë që Shqipëria ka bërë në rritjen e bashkëpunimit.
E pyetur nga gazetarët nëse e vlerëson Ramën si liderin e e rajonit pasi është vënë re një vlerësim i madh për të dhe kryeministrin serb Vuçiç, Merkel u përgjigj duke qeshur.
“Nuk ka një lider të rajonit dhe nuk mundet të jetë ai një lider i rajonit. Një person nuk mund të jetë kompetent në shumë fusha. Lideri i rajonit është demokracia dhe duhet punuar në rritjen e bashkëpunimit për integrimin sa më të shpejtë në Europë”, tha Merkel.