U duk se delegacioni gjerman me në krye kancelaren Angela Merkel erdhi me një përpikmëri të madhe por në fakt nuk ka qenë tërësisht e vërtetë.
Avioni i Merkel i parashikuar të zbriste në Rinas në 13:45 në fakt ka zbritur në 13:28.
Për të repektuar kështu axhendën piloti i ka kërkuar leje kullës së vrojtimit të Rinasit për të bërë disa xhiro, shkruan Java.
Por përpikmëria ka qenë edhe në respektimin e rregullave të qarkullimit rrugor.
Shumë njerëz në fakt u çuditën kur eskorta u rrotullua në sheshin “Nënë Tereza” për t’u kthyer më pas para Kryeministrisë.
Këtë gjest e ka vlerësuar edhe ministri Tahiri që i ka dedikuar kësaj ngjarje një status në FB.