Komisioni Evropian i ka drejtuar një apel qeverisë shqiptare që të tërheqë draftin e shpifjes që e kthen atë në një vepër penale.
Zëdhënësja e Komisionit Evropian, Maja Koçijançiç, u shpreh se zyrtarët e lartë duhet të jenë të hapur ndaj monitorimit publik dhe kritikave të gjera të qytetarëve të thjeshtë, gjë që është vendosur qartë nga jurisprudenca e Gjykatës së të Drejtave të Njeriut.
Duke kërkuar tërheqjen e këtyre amendamenteve, Koçijançiç shtoi se dispozitat që lidhen me liritë themelore duhet të kalojnë për konsultim publik para miratimit.
“Ne i kemi parë me shqetësim propozimet për ndryshime në Kodin Penal që synojnë rikthimin e dënimit të shpifjes si vepër penale në rastet e shpifjes për zyrtarë të lartë dhe zyrtarëve të zgjedhur. Në këndvështrimin tonë, përfaqësuesit e lartë duhet të jenë të hapur ndaj monitorimit publik dhe kritikave të gjera të qytetarëve të thjeshtë. Kjo është vendosur qartë nga Jurisprudenca e Gjykatës së të Drejtave të Njeriut të Strasburgut. Në këtë kontekst, ne mirëpresim tërheqjen e këtyre amendamenteve. Gjithashtu mund të shtoj se dispozitat që lidhen me liritë themelore duhet të kalojnë së pari përmes një konsultimi të gjerë publik përpara se ato të miratohen”.
