Kryeministri Edi Rama ka postuar një set fotosh mbi vizitën e Sekretarit amerikan të Shtetit John Kerry në Tiranë. Mes fotosh mund të dallohet lehtë habia e zyrtarit të lartë amerikan me zyrën e Kreut të Qeverisë apo me disa prej pikturave të varura në muret e godinës qeveritare.
“Sot me Sekretarin e Shtetit, John Kerry, gjatë vizitës së tij të shumëpritur dhe tejet inkurajuese në Tiranë. Mbështetja pa asnjë ekuivok e reformave nga ana e Sekretarit të Shtetit dhe konsideratat shumë pozitive të tij për progresin e bërë në këtë periudhë reformash, janë një motiv i rëndësishëm krenarie po edhe përgjegjësie më të madhe”, shkruan Rama.
