Deputeti socialist Erjon Brace i është përgjigjur kolegut të tij Ben Blushi, i cili e konsideroi si një marrëzi propozimin e bërë nga Kryeministri Edi Rama për organizimin e një referendum brenda partisë në lidhje me zgjedhjen e kreut të Partisë Socialiste. Brace e cilësoi si marrëzi faktin se po vihet në dyshim mandate i Kryetarit që ka fituar dy palë zgjedhje në rreth 2 vite e gjysëm.
“Vetëm tani po lexoj cka thënë jashtë, një deputet që kishte gjithe lirinë të fliste brenda;
Marrëzi, kush është marrëzi?
Marrëzi të kërkoj mocion besimi në anëtarësinë e Partisë, një kryetar partie që ka fituar dy palë zgjedhje në popull në 2 vite e gjysëm?
Mocioni i besimit është legjitim në statutin e PS, është legjitim në Kushtetutë. Atëherë?
Marrëzi është të vesh në dyshim një kryetar partie që fiton zgjedhjet, zotni!!
Këta njerëz po i shpallin luftë logjikës!!
Për këta vlen dhe nuk është marrëzi, thjeshtë, të bërit të tyre cfarë duan, duke nisur nga kryetar i Partisë”, shprehet Braçe.