Refugjatët sirianë që ndodhen në Idomeni i kërkojnë qeverisë shqiptare të hapë kufirin. Në kushtet kur Maqedonia ka mbyllur kufirin, sirianët e shikojnë vendin tonë si mundësi kalimi nëpërmjet Italisë për në vendet e tjera.
Disa nga sirianët thanë për "Shekullin", se kanë pasur kontakte me shqiptarë, të cilët u kanë kërkuar deri në 2000 euro për t’i kaluar në Austri. Në Idomeni janë gati 20 mijë refugjatë, pjesa më madhe janë të vendosur në stacionin e trenit.