Përgjigja e Edi Ramës për kreun e opozitës erdhi nëpërmjet një mesazhi në rrjetin social Twitter, i cili përdori zhargonin e përditshëm për ta falënderuar me ironi Lulzim Bashën për ftesën për reflektim dhe qetësi.
Me po të njëjtën ironi, Rama i sugjeroi kreut të PD që këtë ftesë t’ia bëjë jo atij, por Shteteve të Bashkuara dhe Bashkimit Evropian.
Bashkautorësia e draftit për reformën në drejtësi me dy partnerët strategjikë dhe mbështetja publike e tyre është prej kohësh karta më e fortë e kryeministrit Rama.
