Ministri i Drejtësisë, Ylli Manjani, njëkohësisht negociator i LSI-së lidhur me reformën në drejtësi, shprehet se nuk ka asnjë pengesë për arritjen e konsensusit. Menjëherë pas deklaratës së kreut të PD-së, Basha, lidhur me negociatat e djeshme mes palëve dhe pengesave që dolën, Manjani ka reaguar duke shprehur gatishmërinë për të vijuar bisedimet.
“Konfirmoj plotësisht kronologjinë e zhvillimeve në takimin e grupit negociator që përshkroi kryetari i PD-së, Basha. Teknikisht nuk ka asnjë pengesë për zgjidhjen e ngërçit për dy çështjet e mbetura. Po pres të mblidhemi përsëri sot për të vazhduar takimin e lënë në mes mbrëmë. Po pres në Kryesinë e Kuvendit”, shprehet Manjani.