Një aksident ka ndodhur në aksin rrugor Korçë-Pogradec, në afërsi të "Urës së Bulgarecit", ka dalë nga rruga automjeti tip "Benz" me targa KO8229B, me drejtues shtetasin E.Q ku si pasojë kanë mbetur të dëmtuar 2 nga 5 pasagjerët që ishin në makinë.
Policia e Korçës bën me dije se të dëmtuarat kanë qenë nëna (V.Q) dhe vajza (J.Q) e drejtuesit të mjetit. Mësohet se pasagjerët e tjerë, ishin pjesëtarët e familjes dhe janë dëmtuar lehtë. Të dëmtuarat, po transportohen në Spitalin e Korçës, për të marrë ndihmën e nevojshme mjekësore. U ngrit grupi hetimor dhe punohet për zbardhjen e rrethanave të aksidentit.