Qeveria ka zhvilluar sot mbledhjen e saj të përjavshme, por për të katërtën herë rresht ajo është drejtuar nga zv/kryeministri Niko Peleshi. Vendimet zyrtare të publikuara pas përfundimit të mbledhjes së Këshillit të Ministrave mbajnë firmën e Peleshit.
“Kryeministri Edi Rama. Në mungesë dhe me porosi, zëvendëskryeministri Niko Peleshi”, është shënimi në fund të çdo vendimi.
Ashtu si në mbledhjet e datave 29 qershor, 6 korrik dhe 13 korrik, numri i dy i qeverisë ka udhëhequr edhe këtë të mërkurë takimin e përjavshëm të ministrave. Mbledhja e fundit e drejtuar nga kryeministri Rama është ajo e datës 22 qershor.
