Votimi i mbrëmjes së djeshme nuk i ka dhënë fund çdo miratimit të reformës në drejtësi, pasi në këtë seancë u bën ndryshimet kushtetuese.
Kështu që të enjten tjetër, pritet që të kalojnë edhe 7 ligje të rëndësishme në lidhje më këtë reformë dhe që janë parashikuar që të miratohen me konsensus.
Implementimin sa më parë të Reformës në Drejtësi e ka kërkuar edhe Bashkimi Europian, ndërkohë që edhe përfaqësues të qeverisë kanë deklaruar se këto 7 ligje janë të detajuara dhe me afate kohore.
Këto 7 projektligje cilësohen si projektligje të emergjencës, për të cilat kërkohet miratimi i tyre seancën e ardhshme. Ligjet janë kryesisht të karakterit organik dhe përfshijnë: Projektligji “Për Gjykatën Kushtetuese”, drafti “Për rivlerësimin e gjyqtarëve dhe prokurorëve”, projektligji “Për organizimin e gjyqësorit”, ai “Për organizimin e prokurorisë”, Projektligji “Për mirëqeverisjen e organeve të drejtësisë”, projektligji për SPAK dhe Byroja si dhe Projektligji “Për statusin e gjyqtarëve”.
Në total janë më shumë se 40 projektligje që duhen miratuar nga Kuvendi si pjesë e paketës së reformës në drejtësi.
