Ministri i Drejtësisë, Ylli Manjani përshëndet miratimin me konsensus të plotë të Ndryshimeve Kushtetuese.
Manjani thekson se duhet që të fillohet diskutimi për të miratuar ligjet, në zbatimi të ndryshimeve që u bënë mbrëmë në Kushtetutë.
Ministri i Drejtësisë ka kërkuar që trupa gjyqësore dhe e prokurorëve të jenë të fokusuar në ushtrimin e detyrës me përgjegjësi dhe korrektësi.
"Tani është momenti të fillojmë diskutimin për miratimin e ligjeve, në zbatim të këtyre ndryshimeve. Paralelisht duhet edhe të ndërtojmë një kalendar veprimesh ekzekutive për zhvillimin e sistemit të ri të projektuar në Kushtetutë. Në këtë periudhë tranzicioni i kërkoj trupës gjyqësore dhe prokurorisë të jenë të fokusuar në ushtrimin me korrektësi të përgjegjësisë së tyre publike. Deri në transferimin e përgjegjësisë tek institucionet e reja që parashikohen në ndryshimet kushtetuese, puna vazhdon normalisht dhe me përgjegjësi ligjore. Edhe njëherë urime miratimit konsensual të reformës së Shtetit tonë të përbashkët!”, shprehet Manjani.