Kryetari i Partisë Demokratike, Lulzim ka dhënë një intervistë për “Zërin e Amerikës”, ku ka folur për miratimin e reformës në drejtësi dhe për miratimin e ligjit të “Vetingu”-t.
Basha është shprehur se ky ligj nuk mund të kalojë ditën e nesërme pasi, sipas tij, është në shkelje të kushtetutës.
“Shoh përpjekje për të rikthyer tensionin nga ata që tentuan të largonin opozitën nga reforma. Ligji i “Vetingu”-t nuk mund të kalojë nesër, është në shkelje të kushtetutës”, thotë Basha.
Kreu i opozitës shprehet për Zërin e Amerikës se drafti i reformës pati përmirësime thelbësore falë qëndrimit të opozitës. Ai i bën thirrje mazhorancës të mos punojë me hile, por me transparencë.