Miratimi i shtatë ligjeve të reformës në drejtësi ka rikthyer takimet mes ambasadorëve dhe krerëve të politikës.
Ambasadorja e BE-së në Tiranë, Romana Vlahutin, ka nisur një takim sot paradite me kryetarin e Kuvendit, Ilir Meta.
Takimi ka nisur rreth orës 10:00 në Kryesinë e Kuvendit.
Pak më vonë, po në Kryesinë e Kuvendit, ka mbërritur edhe ambasadori amerikan, Donald Lu, i cili është takuar me kryetarin e Komisionit për Reformën në Drejtësi, Fatmir Xhafa.
Pas miratimit të reformës në drejtësi javën e kaluar, ambasadorët kanë bërë thirrje për miratimin sa më shpejt edhe të 7 ligjeve të tjera për të bërë të mundur zbatimin e saj.