Qendra e Informimit e BE-së Shkodër nisi shkollën verore evropiane 2016 që synon të pajisë pjesëmarrësit me një njohje gjithëpërfshirëse të historisë, institucioneve, politikave të BE-së dhe procesit të integrimit të Shqipërisë në BE, duke theksuar përfitimet e anëtarësimit në të.
Për katër ditë me radhë, pjesëmarrësit të cilët janë pjesë e administratës lokale si sociologë, ekonomistë, mësues, studentë do të njihen me historinë dhe Institucionet e Bashkimit Evropian, politikat dhe procesin e anëtarësimit të Shqipërisë në BE.
