Ministri i Financave Arben Ahmetaj ka reaguar pas publikimit të raportit të Agjencisë së vlerësimit “Standard & Poor’s” për ekonominë shqiptare, duke e konsideruar atë si një vlerësim konfirmues për politikat e ndjekura.
“Standard and Poor’s ka dhënë vlerësimin për ekonominë shqiptare, duke konfirmuar me leximin e tyre, të gjithë faktorët që janë theksuar nga qeveria më parë. Kështu për S & P, Shqipëria ka treguar një performancë të qëndrueshme ekonomike, në vazhdim të zbatimit të programit të konsolidimit fiskal, i cili pritet të ketë vazhdimësi pozitive edhe në vitet në vijim, duke përjashtuar incidente politike” shkruan Ahmetaj.
Në vijim të reagimit të tij, ministri i Financave shkruan se Standart & Poor’s vlerëson ndikimin e reformave të deritanishme të pensioneve, energjisë dhe atë administrative të ndërmarra nga qeveria, duke përcaktuar reformën në drejtësi si një hap të rëndësishëm për të mbështetur zhvillimet pozitive në ekonomi.
