Kreu i grupit të LSI-së, Petrit Vasili, nuk sheh krizë konsensusi për ligjet që lidhen me reformën në drejtësi.
Në studion e Ora News, Vasili u deklarua optimist për mirëkuptim mes palëve, ndërsa theksoi se roli i ndërkombëtarëve nuk do të preket.
Neni 13 në ligjin për Prokurorinë Speciale që sipas opozitës dhe shoqatave të mediave cënon lirinë e medias, shihet si i papranueshëm për LSI, por Petrit Vasili nuk dëshiron të bëjë asnjë koment tjetër.
Vasili: “Për mua i rëndësishëm është produkti, të lkemi një ligj të pastër, që nuk krijon asnjë lloj shqetësimi, në mënyrë të veçantë për ushtrimin e lirive themelore siç është liria e shprehjes”.
Për marrëdhënien me PS, Vasili shprehet se LSI respekton marrëveshjen me korrektësi.
Por jep këtë paralajmërim.
Vasili: “PS-LSI ka një marrëveshje politike që e teston veten në sallën e parlamentit dhe veprimin e përbashkët qeverisës. Edhe veprimi parlamentar dhe ai qeverisës kanë pasur sinkronizëm. Ftohjet dhe ngrohjet për mua janë qëndrime metereologjike, jo politike.Është marrëdhënie që ecën mbi bazën e një marrëveshje politike që LSI e ka respektuar dhe e respekton”.
Për zgjedhjet e 11 shtatorit në Dibër, kreu i grupit të LSI-së thotë se nuk i sheh si test për mazhorancën.
Ndërsa për pyetjen nëse LSI do te jetë ne koalicion me PS në zgjedhjet e ardhshme, Vasili jep këtë përgjigje.