Vatrat e zjarrit sa vijnë dhe shtohen në territorin e Shqipërisë, rreth 10 hektarë pyje janë djegur sot në parkun e Viroit në Gjirokastër.
Zjarri mendohet se ka qenë i qëllimshëm, ndërsa është përhapur poshtë kurorës së pishave në parkun e Viroit, ndërsa flakët vijojnë të përhapen të favorizuara nga era.
Flakët rrezikojnë edhe një stan që ndodhet shumë pranë vatrës së zjarrit.
Ndërkohë, forcat zjarrfikëse vijojnë punën për shuarjen e zjarrit, ndërsa po ndihmohen edhe nga banorët me mjete rrethanore.
