Lideri i opozitës Lulzim Basha gjatë ditës së djeshme mbajti fjalim në mitingun përmbyllës të fushatës zgjedhore për Bashkinë e Dibrës. Sot është heshtje zgjedhore, e mesa duket Basha nuk është larguar nga Dibra, ku nesër qytetarët do t’i drejtohen kutive të votimit për të zgjedhur kryetarin e ri të Bashkisë.
Kreu demokrat ka postuar një foto në rrjetin social Facebook me dy gra dibrane, të cilat i përshkruan kështu: Mes kripës dhe sheqerit! Mëngjes me Lindën dhe Meribanin, kuzhinieren dhe pastiçieren duararta të Peshkopisë!
Të dielën dibranët votojnë për të zgjedhur kryebashkiakun e tyre mes kandidatit të djathtë Sheferedin Shehu dhe atij të majtë Muharrem Rama. Dibra mban zgjedhje pas shkarkimit të ish-kryebashkiakut Shukri Xhelili i cili u përfshi në një skandal seksual.
