“Ora News” ka fiksuar reagimin e ministrit të Brendshëm, Saimir Tahiri, në momentin që deputeti i Partisë Demokratike, Flamur Noka, bëri të ditur në Kuvend se një avion me drogë është rrëzuar në Durrës.
Ministri Tahiri, në pamjet e siguruara nga “Ora News”, shfaqet dukshëm i shqetësuar dhe nis të komunikojë në telefon.
Ende nuk ka një njoftim zyrtar nga ana e policisë lidhur me ngjarjen në Durrës, ndërsa raportimet e para flasin për një avion të vogël të ulur në zonën e Ishmit.