Ish-kreu i Komunitetit Mysliman të Shqipërisë, Selim Muça, ka ndërruar jetë gjatë orëve të para të ditës së sotme.
Ai vuante prej kohësh nga një sëmundje e rëndë. Muça ka drejtuar KMSH-në nga viti 2004 deri në 2014. Pas tij në krye të KMSH-së u zgjodh Skënder Bruçaj.
Selim Muça rrjedh nga një familje me tradita islame. Babai i tij ka qenë Imam. Me fillimin e proceseve demokratike, është angazhuar totalisht në shërbim të Islamit dhe ringritjen e institucionit të Komunitetit Mysliman të Shqipërisë.
Muça zëvendësoi në post Haxhi Hafiz Sabri Koçin.
