Duhet një bashkëpunim konstruktiv për të garantuar cilësinë e reformave. Kështu u shpreh sot kryeparlamentari Ilir Meta, në ceremoninë e hapjes së shkollës verore europiane, e cila u mbajt në Kryesinë e Kuvendit.
Meta theksoi se integrimi europian i Shqipërisë është shumë i rëndësishëm.
“Dua t’ju përgëzoj për këtë iniciative që i shërben cilësisë së integrimit të Shqipërisë. Kuvendi është në mbështetje të projekteve të tilla. Ne duhet të forcojmë mekanizmat për kuadrin ligjor për politikat e çështjes së integrimit. Kuvendi është i angazhuar për të bashkëpunuar me grupet e interesit. Në kuadër të kësaj reforme, kryefjala jonë duhet të mbetet bashkëpunimi konstruktiv dhe dialogu për të garantuar cilësinë e duhur të reformave”, tha Meta.