Banorët e fshatit Plyk të Fierit po protestojnë sot kundër ndërtimit të impiantit të djegies së mbeturinave duke bllokuar rrugën Fier-Ballsh.
Banorët janë të shqetësuar për jetën e tyre dhe të ardhmen e fëmijëve, pasi impianti i mbeturinave i shtohet ndotjes dhjetravjeçare të Azotikut.
“Nuk do pranojmë plehrat në fshatin tonë. Nuk jemi informuar për ndërtimin e impiantit”, pohuan ata. Banorët shtojnë se ndërtimi i fabrikës në këtë zonë do të sillte kontaminimin e tokave.
Ndërkaq, është shpallur fituese firma që do të ndërtojë projektin e fabrikës së riciklimit të mbetjeve.