Ministri i Drejtësisë, Ylli Manjani ka reaguar në lidhje me publikimin e videos në emisionin “Stop” kur një oficer i policisë gjyqësore merr 18 mijë euro ryshfet në emër të një prokurori për të zhbllokuar një shumë prej 120 mijë eurosh të ardhura nga jashtë.
Ministri e konsideroi të dënueshëm rastin, duke kërkuar një hetim të thellë dhe të plotë të prokurorisë për këtë çështje.
Ministri thotë se veprimi i ligjit është domosdoshmëri në këtë rast.
Manjani: Nxis një hetim të thellë dhe të plotë të prokurorisë mbi këtë çështje. Veprimi energjik i ligjit është domosdoshmëri. Prokuroria është hallkë e rëndësishme e rikthimit të besimit të publikut tek ligji. Përgëzime medias!
Oficeri gjyqësor i ka marrë shumën në fjalë në emër të prokurorit Ardian Braho për të zhbllokuar sasinë e parave të ardhura nga jashtë.