Kreu i PD-së Lulzim Basha ka reaguar pas fjalimit të Edi Ramës, që u mbajt në të njëjtën kohë me protestën e qytetarëve kundër ligjit të plehrave.
“Pasi u hoqi të drejtën për të vendosur me referendum, Edi Rama u hoqi sot qytetarëve edhe zërin e protestës duke bllokuar mediat me një fjalim ordiner mbi qeverisjen e tij te korruptuar e të zhytur në krim.
Edhe pse i quan mediat e kazanit, ju ushtron presion dhe kontroll të rreptë.
Këto janë vetëm shenjat e një fundi të turpshëm te një oligarkie plehrash.
Nuk i ndalon dot qytetarët, duke u hequr zërin nga ekrani.
Ata do të jenë edhe më të shumtë edhe më të palëkundur.
Ata do të vendosin për importin e mbetjeve.
Ata, qytetarët, populli, asnjë parti, asnjë qeveri”, shkruan Basha në Facebook.
