Partia Demokratike thotë se situata e kanabisit në vend është përkeqësuar javët e fundit. Duke ju referuar deklaratës së prokurorit të anti-mafies italiane Kataldo Mota, i cili heton drogën e nisur nga Shqipëria përtej brigjeve të Adriatikut, opozita shprehet se në më pak se shtatë ditë në Itali janë kapur tonelata drogë që vinin nga Shqipëria.
Enkelejd Alibeaj: Edi Rama e mohon, por prokurori që heton direkt këtë aktivitet kriminal, përmend se vetëm në një javë janë kapur nga policia italiane 3 ton e 800 kg kanabis e mbërritur nga Shqipëria.
Opozita duke ju referuar deklaratës së zyrtarit të lartë të anti-mafies italiane thotë se autoritetet shqiptare nuk janë të interesuara ta luftojnë narkotrafikun.
