Lëvizja Socialiste për Integrim ka zhvilluar ditën e sotme zgjedhjet për kryetarin, ku në garë ishin kreu aktual, Ilir Meta dhe dy rivalët e tij, Shezai Rrokaj dhe Përparim Spahiu. Zgjedhjet përfunduan, ndërsa ka nisur numërimi i votave për të nxjerrë fituesin e zgjedhjeve.
Bazuar në procesverbalet e mbylljes së votimit, të dorëzuara pranë komisioneve zonale të qarqeve, rezulton se nga: 50267 anëtar të lëvizjes socialiste për integrim, të regjistruar në listat zgjedhore, morën pjesë në votim 42370 anëtarë ose 84.29%.
Sipas qarqeve, pjesëmarrja në votim rezultoi si më poshtë:
• Qarku Tiranë – votuan 10701 anëtarë, ose 88.49%
• Qarku Beratit – votuan 5173 anëtarë, ose përafërsisht 88.99%
• Qarku i Gjirokastrës – votuan 2301 anëtarë, ose përafërsisht 88.39%
• Qarku i Durrësit – votuan 4536 anëtarë, ose përafërsisht 82.39%
• Qarku i Vlorës – votuan 3006 anëtarë, ose përafërsisht 84.98%
• Qarku i Lezhës – votuan 1776 anëtarë, ose përafërsisht 77.28%
• Qarku i Fierit – votuan 5454 anëtarë, ose përafërsisht 89.29%
• Qarku i Kukësit – votuan 826 anëtarë, ose përafërsisht 86.94%
• Qarku i Korçës – votuan 2881 anëtarë, ose përafërsisht 83.38%
• Qarku i Dibrës – votuan 1146 anëtarë, ose përafërsisht 81.97
• Qarku i Shkodrës – votuan 1646 anëtarë, ose përafërsisht 88.87%
• Qarku i Elbasanit – votuan 3273 anëtarësisë, ose përafërsisht 70.29
Ndërkaq ka filluar procesi i numërimit të votave për Kryetarin e LSI në të gjitha vendet e numërimit të votave.