Rënia e çmimeve të naftës në tregjet ndërkombëtare, të premten është reflektuar edhe në tregun me shumicë në vend gjatë ditës së sotme.
Në sesionin e së hënës, nafta me shumicë në dy portet e vendit shitet me 134.57 lekë për litër, në rënie me 0.75% në krahasim me sesionin e ditës së premte.
Rënia e çmimit në bursë nuk është reflektuar plotësisht në tregun vendas, për shkak të marshimit të dollarit amerikan kundrejt lekut vendas.
Çmimi i pasqyruar është aktual dhe i referohet vetëm ditës së sotme.
Luhatjet në çmimin e shumicës vijnë, përveç çmimit me të cilin kuotohet në bursë, edhe në bazë të kostove të transportit, cilësisë së produktit të zhdoganuar, kursit të këmbimit ndërmjet dollarit dhe lekut, si dhe barrës shtetërore.
Këto të dhëna i referohen çmimit përfundimtar me të cilin nafta del nga dy portet e vendit, atë të Durrësit dhe atë të Vlorës, ku përfshihen edhe të gjitha kostot që janë të detyruara me ligj, përfshirë barrën shtetërore, që sot fiksohet në rreth 89.5 lekë për litër.
