Kanë mjaftuar disa akuza dhe një kërkesë për dorëheqjen e ministrit Ilir Beaqaj pas skandalit të publikuar në lidhje me shkarkimin e Çlirim Hajdaramtajt ne Tropojë, për të risjellë edhe një herë në Kuvend përplasjet fizike, fyerjet dhe tensionet mes palëve.
Seanca plenare e ditës së sotme, e cila po drejtohet nga nënkryetarja e Kuvendit, Valentina Leskaj ka dalë jashtë kontrollit në momentin kur në foltore është ngritur për të folur ministri Beqaj, pas akuzave të deputetes Albana Vokshi., ka qenë kreu i grupit parlamentar demokrat Edi Paloka ai që ka tentuar të shtyjë me dorë Beqajn nga foltorja e Kuvendit, çka solli edhe ndërhyrjen e Gardës së Republikës, duke vendosur kordonin para foltore.
Deri këtu gjithçka ishte e dukshme për mediat, ku më pas për disa minuta seanca u ndërpre.
Por çfarë ndodhi jashtë syrit të mediave?
Siç shihet edhe në këtë vide tensione të mëdha ka patur mesa deputetëve, ku edhe vetë kryeministri Rama nuk i ‘ka kontrolluar nervat’ duke iu kthyer më gjeste me duar Valentina Leskajt. Duket se diçka nuk i ka pëlqyer në drejtimin e seancës. Ndërsa nga ana tjetër shihet ish kreu i qeverisë Sali Berisha , i cili kërkon të diskutojnë me Pandeli Majkon. Shumë deputetë [për minuta me radhë nuk kanë lëvizur nga foltorja e Kuvendit, ku Beqaj priste që të merrte fjalën për të reaguar ndaja akuzave të tij.