Kreu i Partisë Demokratike të Shqipërisë, Lulzim Basha i është kundërpërgjigjur po përmes rrjetit social “Facebook” kryeministrit Rama pas statusit të këtij të fundit ku për herë të parë u shpreh indirekt edhe për qëndrimin e Gunter Kirschbaum kundër hapjes së negociatave.
“Basha të mos kapë deputetë të huaj për të sharë e për të bllokuar Shqipërinë, por të lexojë rekomandimin e Bashkimit Europian dhe të zhbllokojë Vetingun!”, shkruan Rama.
Por Basha i quajti këto përralla të kryeministrit me armiq imperialiste.
Sipas Bashës realiteti është që mijëra familje vuajnë për bukën e gojës, që shqiptarët paguajnë çmimin më të lartë të energjisë në Ballkan që të papunët po shtohen dhe se rrugën e vendit e ka zënë krimi, droga dhe korrupsioni.